Besonders jetzt in der Ferienzeit ist am Flughafen viel los. Und da manchmal auch eher unbeholfene Leute den Schritt ins Flugzeug wagen, werden einem am Gate und am Flugzeug manchmal doofe Fragen gestellt, auf die man eigentlich eine witzige Antwort auf Lager hätte, diese jedoch nicht aussprechen darf, da der Name der Firma auf der Uniform steht. Manchmal kann man es sich dann trotzdem nicht verkneifen, weshalb einige der nachfolgenden Dialoge sich tatsächlich so abgespielt haben (aber nicht alle!!).

Am Flugzeug:
PAX "Ja, sind Si sicher, dass das oises Flugzüüg isch? Mer ghört doch amis, dass d Franzose ihri Flugzüüg nid so guet wartet..."
DRV "Nur kei Angscht, abe isch bis jetz na jede cho..."

PAX "Wiso chan de dänn bim Näbel nöd Lande? Hät die Maschine dänn kei Blindlandeinstrumänt?"
DRV "Blindlandeinstrumänt? Bi dem Flugzüüg chönd si froh si, wänn sis überhaupt id Luft schaffed!"

Am Gate:
PAX "Isch das de Bus für uf Brüssel?"
DRV "Nei."
PAX (geschockt) "Was? Ja, aber, da drin staht doch da seg Brüssel, etz bin ich da falsch? Ja das glaub ich nöd, aso-"
DRV "De Bus fahrt nume bis zum Flugzüüg. Säb gaht dänn scho uf Brüssel"
PAX (genervt) "Tz, si sind mer meini ganz en witzige..."

Am Gate:
PAX "Barcelona?"
DRV "Novosibirsk."
PAX (sprachlos, perplex)
DRV "Neinei, isch scho Barcelona."

Am Flugzeug:
PAX "Sind si de Bus für in Hauptbahnhof?"
DRV "Ja klar. Und nachher fahremer na uf Luzern und dänn is Tessin abe. Si müend sich eifach mit de andere Passagier einige, wo si zersch ane wänd. Passkontrole machemer hüt keini und s Gepäck lömmer au da..."

PAX = Passagier
DRV = Busfahrer